UtshovDoha 46
46.1
Chaupai
अजसु होउ जग सुजसु नसाऊ। नरक परौ बरु सुरपुरु जाऊ।।
सब दुख दुसह सहावहु मोही। लोचन ओट रामु जनि होंही।।
अस मन गुनइ राउ नहिं बोला। पीपर पात सरिस मनु डोला।।
रघुपति पितहि प्रेमबस जानी। पुनि कछु कहिहि मातु अनुमानी।।
देस काल अवसर अनुसारी। बोले बचन बिनीत बिचारी।।
तात कहउँ कछु करउँ ढिठाई। अनुचितु छमब जानि लरिकाई।।
अति लघु बात लागि दुखु पावा। काहुँ न मोहि कहि प्रथम जनावा।।
देखि गोसाइँहि पूँछिउँ माता। सुनि प्रसंगु भए सीतल गाता।।
Ajasu hou jag sujasu nasau, narak parau baru surapuru jau
Sab dukh dusah sahavahu mohi, lochan ot ramu jani honhi
As man gunai rau nahin bola, pipar pat saris manu dola
Raghupati pitahi premabas jani, puni kachhu kahihi matu anumani
Des kal avasar anusari, bole bachan binit bichari
Tat kahaum kachhu karaum dhithai, anuchitu chhamab jani larikai
Ati laghu bat lagi dukhu pava, kahun na mohi kahi pratham janava
Dekhi gosainhi punchhium mata, suni prasangu bhae sital gata
46.2
Doha/soratha
मंगल समय सनेह बस सोच परिहरिअ तात।
आयसु देइअ हरषि हियँ कहि पुलके प्रभु गात ॥45॥
Mangal samay saneh bas soch pariharia tat
Ayasu deia harashi hiyam kahi pulake prabhu gat