UtshovDoha 45
45.1
Chaupai
अवनिप अकनि रामु पगु धारे। धरि धीरजु तब नयन उघारे।।
सचिवँ सँभारि राउ बैठारे। चरन परत नृप रामु निहारे।।
लिए सनेह बिकल उर लाई। गै मनि मनहुँ फनिक फिरि पाई।।
रामहि चितइ रहेउ नरनाहू। चला बिलोचन बारि प्रबाहू।।
सोक बिबस कछु कहै न पारा। हृदयँ लगावत बारहिं बारा।।
बिधिहि मनाव राउ मन माहीं। जेहिं रघुनाथ न कानन जाहीं।।
सुमिरि महेसहि कहइ निहोरी। बिनती सुनहु सदासिव मोरी।।
आसुतोष तुम्ह अवढर दानी। आरति हरहु दीन जनु जानी।।
Avanip akani ramu pagu dhare, dhari dhiraju tab nayan ughare
Sachivam sambhari rau baithare, charan parat nrip ramu nihare
Lie saneh bikal ur lai, gai mani manahun phanik phiri pai
Ramahi chitai raheu naranahu, chala bilochan bari prabahu
Sok bibas kachhu kahai na para, hridayam lagavat barahin bara
Bidhihi manav rau man mahin, jehin raghunath na kanan jahin
Sumiri mahesahi kahai nihori, binati sunahu sadasiv mori
Asutosh tumha avadhar dani, arati harahu din janu jani
45.2
Doha/soratha
तुम्ह प्रेरक सब के हृदयँ सो मति रामहि देहु।
बचनु मोर तजि रहहि घर परिहरि सीलु सनेहु ॥44॥
Tumha prerak sab ke hridayam so mati ramahi dehu
Bachanu mor taji rahahi ghar parihari silu sanehu