UtshovDoha 304
304.1
Chaupai
कृपासिंधु लखि लोग दुखारे। निज सनेहँ सुरपति छल भारे।।
सभा राउ गुर महिसुर मंत्री। भरत भगति सब कै मति जंत्री।।
रामहि चितवत चित्र लिखे से। सकुचत बोलत बचन सिखे से।।
भरत प्रीति नति बिनय बड़ाई। सुनत सुखद बरनत कठिनाई।।
जासु बिलोकि भगति लवलेसू। प्रेम मगन मुनिगन मिथिलेसू।।
महिमा तासु कहै किमि तुलसी। भगति सुभायँ सुमति हियँ हुलसी।।
आपु छोटि महिमा बड़ि जानी। कबिकुल कानि मानि सकुचानी।।
कहि न सकति गुन रुचि अधिकाई। मति गति बाल बचन की नाई।।
Kripasindhu lakhi log dukhare, nij saneham surapati chhal bhare
Sabha rau gur mahisur mantri, bharat bhagati sab kai mati jantri
Ramahi chitavat chitra likhe se, sakuchat bolat bachan sikhe se
Bharat priti nati binay barai, sunat sukhad baranat kathinai
Jasu biloki bhagati lavalesu, prem magan munigan mithilesu
Mahima tasu kahai kimi tulasi, bhagati subhayam sumati hiyam hulasi
Apu chhoti mahima bari jani, kabikul kani mani sakuchani
Kahi na sakati gun ruchi adhikai, mati gati bal bachan ki nai
304.2
Doha/soratha
भरत बिमल जसु बिमल बिधु सुमति चकोरकुमारि।
उदित बिमल जन हृदय नभ एकटक रही निहारि ॥303॥
Bharat bimal jasu bimal bidhu sumati chakorakumari
Udit bimal jan hriday nabh ekatak rahi nihari