UtshovDoha 305
305.1
Chaupai
भरत सुभाउ न सुगम निगमहूँ। लघु मति चापलता कबि छमहूँ।।
कहत सुनत सति भाउ भरत को। सीय राम पद होइ न रत को।।
सुमिरत भरतहि प्रेमु राम को। जेहि न सुलभ तेहि सरिस बाम को।।
देखि दयाल दसा सबही की। राम सुजान जानि जन जी की।।
धरम धुरीन धीर नय नागर। सत्य सनेह सील सुख सागर।।
देसु काल लखि समउ समाजू। नीति प्रीति पालक रघुराजू।।
बोले बचन बानि सरबसु से। हित परिनाम सुनत ससि रसु से।।
तात भरत तुम्ह धरम धुरीना। लोक बेद बिद प्रेम प्रबीना।।
Bharat subhau na sugam nigamahun, laghu mati chapalata kabi chhamahun
Kahat sunat sati bhau bharat ko, siy ram pad hoi na rat ko
Sumirat bharatahi premu ram ko, jehi na sulabh tehi saris bam ko
Dekhi dayal dasa sabahi ki, ram sujan jani jan ji ki
Dharam dhurin dhir nay nagar, satya saneh sil sukh sagar
Desu kal lakhi samau samaju, niti priti palak raghuraju
Bole bachan bani sarabasu se, hit parinam sunat sasi rasu se
Tat bharat tumha dharam dhurina, lok bed bid prem prabina
305.2
Doha/soratha
करम बचन मानस बिमल तुम्ह समान तुम्ह तात।
गुर समाज लघु बंधु गुन कुसमयँ किमि कहि जात ॥304॥
Karam bachan manas bimal tumha saman tumha tat
Gur samaj laghu bandhu gun kusamayam kimi kahi jat