UtshovDoha 303
303.1
Chaupai
कपट कुचालि सीवँ सुरराजू। पर अकाज प्रिय आपन काजू।।
काक समान पाकरिपु रीती। छली मलीन कतहुँ न प्रतीती।।
प्रथम कुमत करि कपटु सँकेला। सो उचाटु सब कें सिर मेला।।
सुरमायाँ सब लोग बिमोहे। राम प्रेम अतिसय न बिछोहे।।
भय उचाट बस मन थिर नाहीं। छन बन रुचि छन सदन सोहाहीं।।
दुबिध मनोगति प्रजा दुखारी। सरित सिंधु संगम जनु बारी।।
दुचित कतहुँ परितोषु न लहहीं। एक एक सन मरमु न कहहीं।।
लखि हियँ हँसि कह कृपानिधानू। सरिस स्वान मघवान जुबानू।।
Kapat kuchali sivam suraraju, par akaj priy apan kaju
Kak saman pakaripu riti, chhali malin katahun na pratiti
Pratham kumat kari kapatu sankela, so uchatu sab ken sir mela
Suramayan sab log bimohe, ram prem atisay na bichhohe
Bhay uchat bas man thir nahin, chhan ban ruchi chhan sadan sohahin
Dubidh manogati praja dukhari, sarit sindhu sangam janu bari
Duchit katahun paritoshu na lahahin, ek ek san maramu na kahahin
Lakhi hiyam hansi kah kripanidhanu, saris svan maghavan jubanu
303.2
Doha/soratha
भरतु जनकु मुनिजन सचिव साधु सचेत बिहाइ।
लागि देवमाया सबहि जथाजोगु जनु पाइ ॥302॥
Bharatu janaku munijan sachiv sadhu sachet bihai
Lagi devamaya sabahi jathajogu janu pai