UtshovDoha 302
302.1
Chaupai
प्रभु पद पदुम पराग दोहाई। सत्य सुकृत सुख सीवँ सुहाई।।
सो करि कहउँ हिए अपने की। रुचि जागत सोवत सपने की।।
सहज सनेहँ स्वामि सेवकाई। स्वारथ छल फल चारि बिहाई।।
अग्या सम न सुसाहिब सेवा। सो प्रसादु जन पावै देवा।।
अस कहि प्रेम बिबस भए भारी। पुलक सरीर बिलोचन बारी।।
प्रभु पद कमल गहे अकुलाई। समउ सनेहु न सो कहि जाई।।
कृपासिंधु सनमानि सुबानी। बैठाए समीप गहि पानी।।
भरत बिनय सुनि देखि सुभाऊ। सिथिल सनेहँ सभा रघुराऊ।।
Prabhu pad padum parag dohai, satya sukrit sukh sivam suhai
So kari kahaum hie apane ki, ruchi jagat sovat sapane ki
Sahaj saneham svami sevakai, svarath chhal phal chari bihai
Agya sam na susahib seva, so prasadu jan pavai deva
As kahi prem bibas bhae bhari, pulak sarir bilochan bari
Prabhu pad kamal gahe akulai, samau sanehu na so kahi jai
Kripasindhu sanamani subani, baithae samip gahi pani
Bharat binay suni dekhi subhau, sithil saneham sabha raghurau
302.2
Chhand
रघुराउ सिथिल सनेहँ साधु समाज मुनि मिथिला धनी।
मन महुँ सराहत भरत भायप भगति की महिमा घनी।।
भरतहि प्रसंसत बिबुध बरषत सुमन मानस मलिन से।
तुलसी बिकल सब लोग सुनि सकुचे निसागम नलिन से।।
Raghurau sithil saneham sadhu samaj muni mithila dhani
Man mahun sarahat bharat bhayap bhagati ki mahima ghani
Bharatahi prasansat bibudh barashat suman manas malin se
Tulasi bikal sab log suni sakuche nisagam nalin se
302.3
Doha/soratha
देखि दुखारी दीन दुहु समाज नर नारि सब।
मघवा महा मलीन मुए मारि मंगल चहत ॥301॥
Dekhi dukhari din duhu samaj nar nari sab
Maghava maha malin mue mari mangal chahat