UtshovDoha 291
291.1
Chaupai
राम भरत गुन गनत सप्रीती। निसि दंपतिहि पलक सम बीती।।
राज समाज प्रात जुग जागे। न्हाइ न्हाइ सुर पूजन लागे।।
गे नहाइ गुर पहीं रघुराई। बंदि चरन बोले रुख पाई।।
नाथ भरतु पुरजन महतारी। सोक बिकल बनबास दुखारी।।
सहित समाज राउ मिथिलेसू। बहुत दिवस भए सहत कलेसू।।
उचित होइ सोइ कीजिअ नाथा। हित सबही कर रौरें हाथा।।
अस कहि अति सकुचे रघुराऊ। मुनि पुलके लखि सीलु सुभाऊ।।
तुम्ह बिनु राम सकल सुख साजा। नरक सरिस दुहु राज समाजा।।
Ram bharat gun ganat sapriti, nisi dampatihi palak sam biti
Raj samaj prat jug jage, nhai nhai sur pujan lage
Ge nahai gur pahin raghurai, bandi charan bole rukh pai
Nath bharatu purajan mahatari, sok bikal banabas dukhari
Sahit samaj rau mithilesu, bahut divas bhae sahat kalesu
Uchit hoi soi kijia natha, hit sabahi kar rauren hatha
As kahi ati sakuche raghurau, muni pulake lakhi silu subhau
Tumha binu ram sakal sukh saja, narak saris duhu raj samaja
291.2
Doha/soratha
प्रान प्रान के जीव के जिव सुख के सुख राम।
तुम्ह तजि तात सोहात गृह जिन्हहि तिन्हहिं बिधि बाम ॥290॥
Pran pran ke jiv ke jiv sukh ke sukh ram
Tumha taji tat sohat grih jinhahi tinhahin bidhi bam