UtshovDoha 290
290.1
Chaupai
अगम सबहि बरनत बरबरनी। जिमि जलहीन मीन गमु धरनी।।
भरत अमित महिमा सुनु रानी। जानहिं रामु न सकहिं बखानी।।
बरनि सप्रेम भरत अनुभाऊ। तिय जिय की रुचि लखि कह राऊ।।
बहुरहिं लखनु भरतु बन जाहीं। सब कर भल सब के मन माहीं।।
देबि परंतु भरत रघुबर की। प्रीति प्रतीति जाइ नहिं तरकी।।
भरतु अवधि सनेह ममता की। जद्यपि रामु सीम समता की।।
परमारथ स्वारथ सुख सारे। भरत न सपनेहुँ मनहुँ निहारे।।
साधन सिद्ध राम पग नेहू।।मोहि लखि परत भरत मत एहू।।
Agam sabahi baranat barabarani, jimi jalahin min gamu dharani
Bharat amit mahima sunu rani, janahin ramu na sakahin bakhani
Barani saprem bharat anubhau, tiy jiy ki ruchi lakhi kah rau
Bahurahin lakhanu bharatu ban jahin, sab kar bhal sab ke man mahin
Debi parantu bharat raghubar ki, priti pratiti jai nahin taraki
Bharatu avadhi saneh mamata ki, jadyapi ramu sim samata ki
Paramarath svarath sukh sare, bharat na sapanehun manahun nihare
Sadhan siddha ram pag nehu, mohi lakhi parat bharat mat ehu
290.2
Doha/soratha
भोरेहुँ भरत न पेलिहहिं मनसहुँ राम रजाइ।
करिअ न सोचु सनेह बस कहेउ भूप बिलखाइ ॥289॥
Bhorehun bharat na pelihahin manasahun ram rajai
Karia na sochu saneh bas kaheu bhup bilakhai