UtshovDoha 282
282.1
Chaupai
एहि बिधि सकल मनोरथ करहीं। बचन सप्रेम सुनत मन हरहीं।।
सीय मातु तेहि समय पठाईं। दासीं देखि सुअवसरु आईं।।
सावकास सुनि सब सिय सासू। आयउ जनकराज रनिवासू।।
कौसल्याँ सादर सनमानी। आसन दिए समय सम आनी।।
सीलु सनेह सकल दुहु ओरा। द्रवहिं देखि सुनि कुलिस कठोरा।।
पुलक सिथिल तन बारि बिलोचन। महि नख लिखन लगीं सब सोचन।।
सब सिय राम प्रीति कि सि मूरती। जनु करुना बहु बेष बिसूरति।।
सीय मातु कह बिधि बुधि बाँकी। जो पय फेनु फोर पबि टाँकी।।
Ehi bidhi sakal manorath karahin, bachan saprem sunat man harahin
Siy matu tehi samay pathaim, dasin dekhi suavasaru aim
Savakas suni sab siy sasu, ayau janakaraj ranivasu
Kausalyan sadar sanamani, asan die samay sam ani
Silu saneh sakal duhu ora, dravahin dekhi suni kulis kathora
Pulak sithil tan bari bilochan, mahi nakh likhan lagin sab sochan
Sab siy ram priti ki si murati, janu karuna bahu besh bisurati
Siy matu kah bidhi budhi banki, jo pay phenu phor pabi tanki
282.2
Doha/soratha
सुनिअ सुधा देखिअहिं गरल सब करतूति कराल।
जहँ तहँ काक उलूक बक मानस सकृत मराल ॥281॥
Sunia sudha dekhiahin garal sab karatuti karal
Jaham taham kak uluk bak manas sakrit maral