UtshovDoha 281
281.1
Chaupai
एहि बिधि बासर बीते चारी। रामु निरखि नर नारि सुखारी।।
दुहु समाज असि रुचि मन माहीं। बिनु सिय राम फिरब भल नाहीं।।
सीता राम संग बनबासू। कोटि अमरपुर सरिस सुपासू।।
परिहरि लखन रामु बैदेही। जेहि घरु भाव बाम बिधि तेही।।
दाहिन दइउ होइ जब सबही। राम समीप बसिअ बन तबही।।
मंदाकिनि मज्जनु तिहु काला। राम दरसु मुद मंगल माला।।
अटनु राम गिरि बन तापस थल। असनु अमिअ सम कंद मूल फल।।
सुख समेत संबत दुइ साता। पल सम होहिं न जनिअहिं जाता।।
Ehi bidhi basar bite chari, ramu nirakhi nar nari sukhari
Duhu samaj asi ruchi man mahin, binu siy ram phirab bhal nahin
Sita ram sang banabasu, koti amarapur saris supasu
Parihari lakhan ramu baidehi, jehi gharu bhav bam bidhi tehi
Dahin daiu hoi jab sabahi, ram samip basia ban tabahi
Mandakini majjanu tihu kala, ram darasu mud mangal mala
Atanu ram giri ban tapas thal, asanu amia sam kand mul phal
Sukh samet sambat dui sata, pal sam hohin na janiahin jata
281.2
Doha/soratha
एहि सुख जोग न लोग सब कहहिं कहाँ अस भागु।।
सहज सुभायँ समाज दुहु राम चरन अनुरागु ॥280॥
Ehi sukh jog na log sab kahahin kahan as bhagu
Sahaj subhayam samaj duhu ram charan anuragu