UtshovDoha 280
280.1
Chaupai
कामद मे गिरि राम प्रसादा। अवलोकत अपहरत बिषादा।।
सर सरिता बन भूमि बिभागा। जनु उमगत आनँद अनुरागा।।
बेलि बिटप सब सफल सफूला। बोलत खग मृग अलि अनुकूला।।
तेहि अवसर बन अधिक उछाहू। त्रिबिध समीर सुखद सब काहू।।
जाइ न बरनि मनोहरताई। जनु महि करति जनक पहुनाई।।
तब सब लोग नहाइ नहाई। राम जनक मुनि आयसु पाई।।
देखि देखि तरुबर अनुरागे। जहँ तहँ पुरजन उतरन लागे।।
दल फल मूल कंद बिधि नाना। पावन सुंदर सुधा समाना।।
Kamad me giri ram prasada, avalokat apaharat bishada
Sar sarita ban bhumi bibhaga, janu umagat anand anuraga
Beli bitap sab saphal saphula, bolat khag mrig ali anukula
Tehi avasar ban adhik uchhahu, tribidh samir sukhad sab kahu
Jai na barani manoharatai, janu mahi karati janak pahunai
Tab sab log nahai nahai, ram janak muni ayasu pai
Dekhi dekhi tarubar anurage, jaham taham purajan utaran lage
Dal phal mul kand bidhi nana, pavan sundar sudha samana
280.2
Doha/soratha
सादर सब कहँ रामगुर पठए भरि भरि भार।
पूजि पितर सुर अतिथि गुर लगे करन फरहार ॥279॥
Sadar sab kaham ramagur pathae bhari bhari bhar
Puji pitar sur atithi gur lage karan pharahar