UtshovDoha 283
283.1
Chaupai
सुनि ससोच कह देबि सुमित्रा। बिधि गति बड़ि बिपरीत बिचित्रा।।
जो सृजि पालइ हरइ बहोरी। बाल केलि सम बिधि मति भोरी।।
कौसल्या कह दोसु न काहू। करम बिबस दुख सुख छति लाहू।।
कठिन करम गति जान बिधाता। जो सुभ असुभ सकल फल दाता।।
ईस रजाइ सीस सबही कें। उतपति थिति लय बिषहु अमी कें।।
देबि मोह बस सोचिअ बादी। बिधि प्रपंचु अस अचल अनादी।।
भूपति जिअब मरब उर आनी। सोचिअ सखि लखि निज हित हानी।।
सीय मातु कह सत्य सुबानी। सुकृती अवधि अवधपति रानी।।
Suni sasoch kah debi sumitra, bidhi gati bari biparit bichitra
Jo sriji palai harai bahori, bal keli sam bidhi mati bhori
Kausalya kah dosu na kahu, karam bibas dukh sukh chhati lahu
Kathin karam gati jan bidhata, jo subh asubh sakal phal data
Is rajai sis sabahi ken, utapati thiti lay bishahu ami ken
Debi moh bas sochia badi, bidhi prapanchu as achal anadi
Bhupati jiab marab ur ani, sochia sakhi lakhi nij hit hani
Siy matu kah satya subani, sukriti avadhi avadhapati rani
283.2
Doha/soratha
लखनु राम सिय जाहुँ बन भल परिनाम न पोचु।
गहबरि हियँ कह कौसिला मोहि भरत कर सोचु ॥282॥
Lakhanu ram siy jahun ban bhal parinam na pochu
Gahabari hiyam kah kausila mohi bharat kar sochu