UtshovDoha 251
251.1
Chaupai
कोल किरात भिल्ल बनबासी। मधु सुचि सुंदर स्वादु सुधा सी।।
भरि भरि परन पुटीं रचि रुरी। कंद मूल फल अंकुर जूरी।।
सबहि देहिं करि बिनय प्रनामा। कहि कहि स्वाद भेद गुन नामा।।
देहिं लोग बहु मोल न लेहीं। फेरत राम दोहाई देहीं।।
कहहिं सनेह मगन मृदु बानी। मानत साधु पेम पहिचानी।।
तुम्ह सुकृती हम नीच निषादा। पावा दरसनु राम प्रसादा।।
हमहि अगम अति दरसु तुम्हारा। जस मरु धरनि देवधुनि धारा।।
राम कृपाल निषाद नेवाजा। परिजन प्रजउ चहिअ जस राजा।।
Kol kirat bhilla banabasi, madhu suchi sundar svadu sudha si
Bhari bhari paran putin rachi ruri, kand mul phal ankur juri
Sabahi dehin kari binay pranama, kahi kahi svad bhed gun nama
Dehin log bahu mol na lehin, pherat ram dohai dehin
Kahahin saneh magan mridu bani, manat sadhu pem pahichani
Tumha sukriti ham nich nishada, pava darasanu ram prasada
Hamahi agam ati darasu tumhara, jas maru dharani devadhuni dhara
Ram kripal nishad nevaja, parijan prajau chahia jas raja
251.2
Doha/soratha
यह जिंयँ जानि सँकोचु तजि करिअ छोहु लखि नेहु।
हमहि कृतारथ करन लगि फल तृन अंकुर लेहु ॥250॥
Yah jinyam jani sankochu taji karia chhohu lakhi nehu
Hamahi kritarath karan lagi phal trin ankur lehu