UtshovDoha 252
252.1
Chaupai
तुम्ह प्रिय पाहुने बन पगु धारे। सेवा जोगु न भाग हमारे।।
देब काह हम तुम्हहि गोसाँई। ईधनु पात किरात मिताई।।
यह हमारि अति बड़ि सेवकाई। लेहि न बासन बसन चोराई।।
हम जड़ जीव जीव गन घाती। कुटिल कुचाली कुमति कुजाती।।
पाप करत निसि बासर जाहीं। नहिं पट कटि नहि पेट अघाहीं।।
सपोनेहुँ धरम बुद्धि कस काऊ। यह रघुनंदन दरस प्रभाऊ।।
जब तें प्रभु पद पदुम निहारे। मिटे दुसह दुख दोष हमारे।।
बचन सुनत पुरजन अनुरागे। तिन्ह के भाग सराहन लागे।।
Tumha priy pahune ban pagu dhare, seva jogu na bhag hamare
Deb kah ham tumhahi gosani, idhanu pat kirat mitai
Yah hamari ati bari sevakai, lehi na basan basan chorai
Ham jar jiv jiv gan ghati, kutil kuchali kumati kujati
Pap karat nisi basar jahin, nahin pat kati nahi pet aghahin
Saponehun dharam buddhi kas kau, yah raghunandan daras prabhau
Jab ten prabhu pad padum nihare, mite dusah dukh dosh hamare
Bachan sunat purajan anurage, tinha ke bhag sarahan lage
252.2
Chhand
लागे सराहन भाग सब अनुराग बचन सुनावहीं।
बोलनि मिलनि सिय राम चरन सनेहु लखि सुखु पावहीं।।
नर नारि निदरहिं नेहु निज सुनि कोल भिल्लनि की गिरा।
तुलसी कृपा रघुबंसमनि की लोह लै लौका तिरा।।
Lage sarahan bhag sab anurag bachan sunavahin
Bolani milani siy ram charan sanehu lakhi sukhu pavahin
Nar nari nidarahin nehu nij suni kol bhillani ki gira
Tulasi kripa raghubansamani ki loh lai lauka tira
252.3
Doha/soratha
बिहरहिं बन चहु ओर प्रतिदिन प्रमुदित लोग सब।
जल ज्यों दादुर मोर भए पीन पावस प्रथम ॥251॥
Biharahin ban chahu or pratidin pramudit log sab
Jal jyon dadur mor bhae pin pavas pratham