UtshovDoha 250
250.1
Chaupai
राम बचन सुनि सभय समाजू। जनु जलनिधि महुँ बिकल जहाजू।।
सुनि गुर गिरा सुमंगल मूला। भयउ मनहुँ मारुत अनुकुला।।
पावन पयँ तिहुँ काल नहाहीं। जो बिलोकि अंघ ओघ नसाहीं।।
मंगलमूरति लोचन भरि भरि। निरखहिं हरषि दंडवत करि करि।।
राम सैल बन देखन जाहीं। जहँ सुख सकल सकल दुख नाहीं।।
झरना झरिहिं सुधासम बारी। त्रिबिध तापहर त्रिबिध बयारी।।
बिटप बेलि तृन अगनित जाती। फल प्रसून पल्लव बहु भाँती।।
सुंदर सिला सुखद तरु छाहीं। जाइ बरनि बन छबि केहि पाहीं।।
Ram bachan suni sabhay samaju, janu jalanidhi mahun bikal jahaju
Suni gur gira sumangal mula, bhayau manahun marut anukula
Pavan payam tihun kal nahahin, jo biloki angh ogh nasahin
Mangalamurati lochan bhari bhari, nirakhahin harashi dandavat kari kari
Ram sail ban dekhan jahin, jaham sukh sakal sakal dukh nahin
Jharana jharihin sudhasam bari, tribidh tapahar tribidh bayari
Bitap beli trin aganit jati, phal prasun pallav bahu bhanti
Sundar sila sukhad taru chhahin, jai barani ban chhabi kehi pahin
250.2
Doha/soratha
सरनि सरोरुह जल बिहग कूजत गुंजत भृंग।
बैर बिगत बिहरत बिपिन मृग बिहंग बहुरंग ॥249॥
Sarani saroruh jal bihag kujat gunjat bhring
Bair bigat biharat bipin mrig bihang bahurang