UtshovDoha 211
211.1
Chaupai
कीरति बिधु तुम्ह कीन्ह अनूपा। जहँ बस राम पेम मृगरूपा।।
तात गलानि करहु जियँ जाएँ। डरहु दरिद्रहि पारसु पाएँ।।।।
सुनहु भरत हम झूठ न कहहीं। उदासीन तापस बन रहहीं।।
सब साधन कर सुफल सुहावा। लखन राम सिय दरसनु पावा।।
तेहि फल कर फलु दरस तुम्हारा। सहित पयाग सुभाग हमारा।।
भरत धन्य तुम्ह जसु जगु जयऊ। कहि अस पेम मगन पुनि भयऊ।।
सुनि मुनि बचन सभासद हरषे। साधु सराहि सुमन सुर बरषे।।
धन्य धन्य धुनि गगन पयागा। सुनि सुनि भरतु मगन अनुरागा।।
Kirati bidhu tumha kinha anupa, jaham bas ram pem mrigarupa
Tat galani karahu jiyam jaem, darahu daridrahi parasu paem
Sunahu bharat ham jhuth na kahahin, udasin tapas ban rahahin
Sab sadhan kar suphal suhava, lakhan ram siy darasanu pava
Tehi phal kar phalu daras tumhara, sahit payag subhag hamara
Bharat dhanya tumha jasu jagu jayau, kahi as pem magan puni bhayau
Suni muni bachan sabhasad harashe, sadhu sarahi suman sur barashe
Dhanya dhanya dhuni gagan payaga, suni suni bharatu magan anuraga
211.2
Doha/soratha
पुलक गात हियँ रामु सिय सजल सरोरुह नैन।
करि प्रनामु मुनि मंडलिहि बोले गदगद बैन ॥210॥
Pulak gat hiyam ramu siy sajal saroruh nain
Kari pranamu muni mandalihi bole gadagad bain