UtshovDoha 210
210.1
Chaupai
नव बिधु बिमल तात जसु तोरा। रघुबर किंकर कुमुद चकोरा।।
उदित सदा अँथइहि कबहूँ ना। घटिहि न जग नभ दिन दिन दूना।।
कोक तिलोक प्रीति अति करिही। प्रभु प्रताप रबि छबिहि न हरिही।।
निसि दिन सुखद सदा सब काहू। ग्रसिहि न कैकइ करतबु राहू।।
पूरन राम सुपेम पियूषा। गुर अवमान दोष नहिं दूषा।।
राम भगत अब अमिअँ अघाहूँ। कीन्हेहु सुलभ सुधा बसुधाहूँ।।
भूप भगीरथ सुरसरि आनी। सुमिरत सकल सुंमगल खानी।।
दसरथ गुन गन बरनि न जाहीं। अधिकु कहा जेहि सम जग नाहीं।।
Nav bidhu bimal tat jasu tora, raghubar kinkar kumud chakora
Udit sada anthaihi kabahun na, ghatihi na jag nabh din din duna
Kok tilok priti ati karihi, prabhu pratap rabi chhabihi na harihi
Nisi din sukhad sada sab kahu, grasihi na kaikai karatabu rahu
Puran ram supem piyusha, gur avaman dosh nahin dusha
Ram bhagat ab amiam aghahun, kinhehu sulabh sudha basudhahun
Bhup bhagirath surasari ani, sumirat sakal summagal khani
Dasarath gun gan barani na jahin, adhiku kaha jehi sam jag nahin
210.2
Doha/soratha
जासु सनेह सकोच बस राम प्रगट भए आइ।।
जे हर हिय नयननि कबहुँ निरखे नहीं अघाइ ॥209॥
Jasu saneh sakoch bas ram pragat bhae ai
Je har hiy nayanani kabahun nirakhe nahin aghai