UtshovDoha 194
194.1
Chaupai
लखन सनेहु सुभायँ सुहाएँ। बैरु प्रीति नहिं दुरइँ दुराएँ।।
अस कहि भेंट सँजोवन लागे। कंद मूल फल खग मृग मागे।।
मीन पीन पाठीन पुराने। भरि भरि भार कहारन्ह आने।।
मिलन साजु सजि मिलन सिधाए। मंगल मूल सगुन सुभ पाए।।
देखि दूरि तें कहि निज नामू। कीन्ह मुनीसहि दंड प्रनामू।।
जानि रामप्रिय दीन्हि असीसा। भरतहि कहेउ बुझाइ मुनीसा।।
राम सखा सुनि संदनु त्यागा। चले उतरि उमगत अनुरागा।।
गाउँ जाति गुहँ नाउँ सुनाई। कीन्ह जोहारु माथ महि लाई।।
Lakhan sanehu subhayam suhaem, bairu priti nahin duraim duraem
As kahi bhent sanjovan lage, kand mul phal khag mrig mage
Min pin pathin purane, bhari bhari bhar kaharanha ane
Milan saju saji milan sidhae, mangal mul sagun subh pae
Dekhi duri ten kahi nij namu, kinha munisahi dand pranamu
Jani ramapriy dinhi asisa, bharatahi kaheu bujhai munisa
Ram sakha suni sandanu tyaga, chale utari umagat anuraga
Gaum jati guham naum sunai, kinha joharu math mahi lai
194.2
Doha/soratha
करत दंडवत देखि तेहि भरत लीन्ह उर लाइ।
मनहुँ लखन सन भेंट भइ प्रेम न हृदयँ समाइ ॥193॥
Karat dandavat dekhi tehi bharat linha ur lai
Manahun lakhan san bhent bhai prem na hridayam samai