UtshovDoha 195
195.1
Chaupai
भेंटत भरतु ताहि अति प्रीती। लोग सिहाहिं प्रेम कै रीती।।
धन्य धन्य धुनि मंगल मूला। सुर सराहि तेहि बरिसहिं फूला।।
लोक बेद सब भाँतिहिं नीचा। जासु छाँह छुइ लेइअ सींचा।।
तेहि भरि अंक राम लघु भ्राता। मिलत पुलक परिपूरित गाता।।
राम राम कहि जे जमुहाहीं। तिन्हहि न पाप पुंज समुहाहीं।।
यह तौ राम लाइ उर लीन्हा। कुल समेत जगु पावन कीन्हा।।
करमनास जलु सुरसरि परई। तेहि को कहहु सीस नहिं धरई।।
उलटा नामु जपत जगु जाना। बालमीकि भए ब्रह्म समाना।।
Bhentat bharatu tahi ati priti, log sihahin prem kai riti
Dhanya dhanya dhuni mangal mula, sur sarahi tehi barisahin phula
Lok bed sab bhantihin nicha, jasu chhanh chhui leia sincha
Tehi bhari ank ram laghu bhrata, milat pulak paripurit gata
Ram ram kahi je jamuhahin, tinhahi na pap punj samuhahin
Yah tau ram lai ur linha, kul samet jagu pavan kinha
Karamanas jalu surasari parai, tehi ko kahahu sis nahin dharai
Ulata namu japat jagu jana, balamiki bhae brahma samana
195.2
Doha/soratha
स्वपच सबर खस जमन जड़ पावँर कोल किरात।
रामु कहत पावन परम होत भुवन बिख्यात ॥194॥
Svapach sabar khas jaman jar pavanr kol kirat
Ramu kahat pavan param hot bhuvan bikhyat