UtshovDoha 193
193.1
Chaupai
राम प्रताप नाथ बल तोरे। करहिं कटकु बिनु भट बिनु घोरे।।
जीवत पाउ न पाछें धरहीं। रुंड मुंडमय मेदिनि करहीं।।
दीख निषादनाथ भल टोलू। कहेउ बजाउ जुझाऊ ढोलू।।
एतना कहत छींक भइ बाँए। कहेउ सगुनिअन्ह खेत सुहाए।।
बूढ़ु एकु कह सगुन बिचारी। भरतहि मिलिअ न होइहि रारी।।
रामहि भरतु मनावन जाहीं। सगुन कहइ अस बिग्रहु नाहीं।।
सुनि गुह कहइ नीक कह बूढ़ा। सहसा करि पछिताहिं बिमूढ़ा।।
भरत सुभाउ सीलु बिनु बूझें। बड़ि हित हानि जानि बिनु जूझें।।
Ram pratap nath bal tore, karahin kataku binu bhat binu ghore
Jivat pau na pachhen dharahin, rund mundamay medini karahin
Dikh nishadanath bhal tolu, kaheu bajau jujhau dholu
Etana kahat chhink bhai bane, kaheu sagunianha khet suhae
Burhu eku kah sagun bichari, bharatahi milia na hoihi rari
Ramahi bharatu manavan jahin, sagun kahai as bigrahu nahin
Suni guh kahai nik kah burha, sahasa kari pachhitahin bimurha
Bharat subhau silu binu bujhen, bari hit hani jani binu jujhen
193.2
Doha/soratha
गहहु घाट भट समिटि सब लेउँ मरम मिलि जाइ।
बूझि मित्र अरि मध्य गति तस तब करिहउँ आइ ॥192॥
Gahahu ghat bhat samiti sab leum maram mili jai
Bujhi mitra ari madhya gati tas tab karihaum ai