UtshovDoha 178
178.1
Chaupai
मोहि उपदेसु दीन्ह गुर नीका। प्रजा सचिव संमत सबही का।।
मातु उचित धरि आयसु दीन्हा। अवसि सीस धरि चाहउँ कीन्हा।।
गुर पितु मातु स्वामि हित बानी। सुनि मन मुदित करिअ भलि जानी।।
उचित कि अनुचित किएँ बिचारू। धरमु जाइ सिर पातक भारू।।
तुम्ह तौ देहु सरल सिख सोई। जो आचरत मोर भल होई।।
जद्यपि यह समुझत हउँ नीकें। तदपि होत परितोषु न जी कें।।
अब तुम्ह बिनय मोरि सुनि लेहू। मोहि अनुहरत सिखावनु देहू।।
ऊतरु देउँ छमब अपराधू। दुखित दोष गुन गनहिं न साधू।।
Mohi upadesu dinha gur nika, praja sachiv sammat sabahi ka
Matu uchit dhari ayasu dinha, avasi sis dhari chahaum kinha
Gur pitu matu svami hit bani, suni man mudit karia bhali jani
Uchit ki anuchit kiem bicharu, dharamu jai sir patak bharu
Tumha tau dehu saral sikh soi, jo acharat mor bhal hoi
Jadyapi yah samujhat haum niken, tadapi hot paritoshu na ji ken
Ab tumha binay mori suni lehu, mohi anuharat sikhavanu dehu
Utaru deum chhamab aparadhu, dukhit dosh gun ganahin na sadhu
178.2
Doha/soratha
पितु सुरपुर सिय रामु बन करन कहहु मोहि राजु।
एहि तें जानहु मोर हित कै आपन बड़ काजु ॥177॥
Pitu surapur siy ramu ban karan kahahu mohi raju
Ehi ten janahu mor hit kai apan bar kaju