UtshovDoha 179
179.1
Chaupai
हित हमार सियपति सेवकाई। सो हरि लीन्ह मातु कुटिलाई।।
मैं अनुमानि दीख मन माहीं। आन उपायँ मोर हित नाहीं।।
सोक समाजु राजु केहि लेखें। लखन राम सिय बिनु पद देखें।।
बादि बसन बिनु भूषन भारू। बादि बिरति बिनु ब्रह्म बिचारू।।
सरुज सरीर बादि बहु भोगा। बिनु हरिभगति जायँ जप जोगा।।
जायँ जीव बिनु देह सुहाई। बादि मोर सबु बिनु रघुराई।।
जाउँ राम पहिं आयसु देहू। एकहिं आँक मोर हित एहू।।
मोहि नृप करि भल आपन चहहू। सोउ सनेह जड़ता बस कहहू।।
Hit hamar siyapati sevakai, so hari linha matu kutilai
Main anumani dikh man mahin, an upayam mor hit nahin
Sok samaju raju kehi lekhen, lakhan ram siy binu pad dekhen
Badi basan binu bhushan bharu, badi birati binu brahma bicharu
Saruj sarir badi bahu bhoga, binu haribhagati jayam jap joga
Jayam jiv binu deh suhai, badi mor sabu binu raghurai
Jaum ram pahin ayasu dehu, ekahin ank mor hit ehu
Mohi nrip kari bhal apan chahahu, sou saneh jarata bas kahahu
179.2
Doha/soratha
कैकेई सुअ कुटिलमति राम बिमुख गतलाज।
तुम्ह चाहत सुखु मोहबस मोहि से अधम कें राज ॥178॥
Kaikei sua kutilamati ram bimukh gatalaj
Tumha chahat sukhu mohabas mohi se adham ken raj