UtshovDoha 177
177.1
Chaupai
कौसल्या धरि धीरजु कहई। पूत पथ्य गुर आयसु अहई।।
सो आदरिअ करिअ हित मानी। तजिअ बिषादु काल गति जानी।।
बन रघुपति सुरपति नरनाहू। तुम्ह एहि भाँति तात कदराहू।।
परिजन प्रजा सचिव सब अंबा। तुम्हही सुत सब कहँ अवलंबा।।
लखि बिधि बाम कालु कठिनाई। धीरजु धरहु मातु बलि जाई।।
सिर धरि गुर आयसु अनुसरहू। प्रजा पालि परिजन दुखु हरहू।।
गुर के बचन सचिव अभिनंदनु। सुने भरत हिय हित जनु चंदनु।।
सुनी बहोरि मातु मृदु बानी। सील सनेह सरल रस सानी।।
Kausalya dhari dhiraju kahai, put pathya gur ayasu ahai
So adaria karia hit mani, tajia bishadu kal gati jani
Ban raghupati surapati naranahu, tumha ehi bhanti tat kadarahu
Parijan praja sachiv sab amba, tumhahi sut sab kaham avalamba
Lakhi bidhi bam kalu kathinai, dhiraju dharahu matu bali jai
Sir dhari gur ayasu anusarahu, praja pali parijan dukhu harahu
Gur ke bachan sachiv abhinandanu, sune bharat hiy hit janu chandanu
Suni bahori matu mridu bani, sil saneh saral ras sani
177.2
Chhand
सानी सरल रस मातु बानी सुनि भरत ब्याकुल भए।
लोचन सरोरुह स्त्रवत सींचत बिरह उर अंकुर नए।।
सो दसा देखत समय तेहि बिसरी सबहि सुधि देह की।
तुलसी सराहत सकल सादर सीवँ सहज सनेह की।।
Sani saral ras matu bani suni bharat byakul bhae
Lochan saroruh stravat sinchat birah ur ankur nae
So dasa dekhat samay tehi bisari sabahi sudhi deh ki
Tulasi sarahat sakal sadar sivam sahaj saneh ki
177.3
Doha/soratha
भरतु कमल कर जोरि धीर धुरंधर धीर धरि।
बचन अमिअँ जनु बोरि देत उचित उत्तर सबहि ॥176॥
Bharatu kamal kar jori dhir dhurandhar dhir dhari
Bachan amiam janu bori det uchit uttar sabahi