UtshovDoha 176
176.1
Chaupai
अवसि नरेस बचन फुर करहू। पालहु प्रजा सोकु परिहरहू।।
सुरपुर नृप पाइहि परितोषू। तुम्ह कहुँ सुकृत सुजसु नहिं दोषू।।
बेद बिदित संमत सबही का। जेहि पितु देइ सो पावइ टीका।।
करहु राजु परिहरहु गलानी। मानहु मोर बचन हित जानी।।
सुनि सुखु लहब राम बैदेहीं। अनुचित कहब न पंडित केहीं।।
कौसल्यादि सकल महतारीं। तेउ प्रजा सुख होहिं सुखारीं।।
परम तुम्हार राम कर जानिहि। सो सब बिधि तुम्ह सन भल मानिहि।।
सौंपेहु राजु राम कै आएँ। सेवा करेहु सनेह सुहाएँ।।
Avasi nares bachan phur karahu, palahu praja soku pariharahu
Surapur nrip paihi paritoshu, tumha kahun sukrit sujasu nahin doshu
Bed bidit sammat sabahi ka, jehi pitu dei so pavai tika
Karahu raju pariharahu galani, manahu mor bachan hit jani
Suni sukhu lahab ram baidehin, anuchit kahab na pandit kehin
Kausalyadi sakal mahatarin, teu praja sukh hohin sukharin
Param tumhar ram kar janihi, so sab bidhi tumha san bhal manihi
Saumpehu raju ram kai aem, seva karehu saneh suhaem
176.2
Doha/soratha
कीजिअ गुर आयसु अवसि कहहिं सचिव कर जोरि।
रघुपति आएँ उचित जस तस तब करब बहोरि ॥175॥
Kijia gur ayasu avasi kahahin sachiv kar jori
Raghupati aem uchit jas tas tab karab bahori