UtshovDoha 159
159.1
Chaupai
चले समीर बेग हय हाँके। नाघत सरित सैल बन बाँके।।
हृदयँ सोचु बड़ कछु न सोहाई। अस जानहिं जियँ जाउँ उड़ाई।।
एक निमेष बरस सम जाई। एहि बिधि भरत नगर निअराई।।
असगुन होहिं नगर पैठारा। रटहिं कुभाँति कुखेत करारा।।
खर सिआर बोलहिं प्रतिकूला। सुनि सुनि होइ भरत मन सूला।।
श्रीहत सर सरिता बन बागा। नगरु बिसेषि भयावनु लागा।।
खग मृग हय गय जाहिं न जोए। राम बियोग कुरोग बिगोए।।
नगर नारि नर निपट दुखारी। मनहुँ सबन्हि सब संपति हारी।।
Chale samir beg hay hanke, naghat sarit sail ban banke
Hridayam sochu bar kachhu na sohai, as janahin jiyam jaum urai
Ek nimesh baras sam jai, ehi bidhi bharat nagar niarai
Asagun hohin nagar paithara, ratahin kubhanti kukhet karara
Khar siar bolahin pratikula, suni suni hoi bharat man sula
Shrihat sar sarita ban baga, nagaru biseshi bhayavanu laga
Khag mrig hay gay jahin na joe, ram biyog kurog bigoe
Nagar nari nar nipat dukhari, manahun sabanhi sab sampati hari
159.2
Doha/soratha
पुरजन मिलिहिं न कहहिं कछु गवँहिं जोहारहिं जाहिं।
भरत कुसल पूँछि न सकहिं भय बिषाद मन माहिं ॥158॥
Purajan milihin na kahahin kachhu gavanhin joharahin jahin
Bharat kusal punchhi na sakahin bhay bishad man mahin