UtshovDoha 158
158.1
Chaupai
तेल नाँव भरि नृप तनु राखा। दूत बोलाइ बहुरि अस भाषा।।
धावहु बेगि भरत पहिं जाहू। नृप सुधि कतहुँ कहहु जनि काहू।।
एतनेइ कहेहु भरत सन जाई। गुर बोलाई पठयउ दोउ भाई।।
सुनि मुनि आयसु धावन धाए। चले बेग बर बाजि लजाए।।
अनरथु अवध अरंभेउ जब तें। कुसगुन होहिं भरत कहुँ तब तें।।
देखहिं राति भयानक सपना। जागि करहिं कटु कोटि कलपना।।
बिप्र जेवाँइ देहिं दिन दाना। सिव अभिषेक करहिं बिधि नाना।।
मागहिं हृदयँ महेस मनाई। कुसल मातु पितु परिजन भाई।।
Tel nanv bhari nrip tanu rakha, dut bolai bahuri as bhasha
Dhavahu begi bharat pahin jahu, nrip sudhi katahun kahahu jani kahu
Etanei kahehu bharat san jai, gur bolai pathayau dou bhai
Suni muni ayasu dhavan dhae, chale beg bar baji lajae
Anarathu avadh arambheu jab ten, kusagun hohin bharat kahun tab ten
Dekhahin rati bhayanak sapana, jagi karahin katu koti kalapana
Bipra jevani dehin din dana, siv abhishek karahin bidhi nana
Magahin hridayam mahes manai, kusal matu pitu parijan bhai
158.2
Doha/soratha
एहि बिधि सोचत भरत मन धावन पहुँचे आइ।
गुर अनुसासन श्रवन सुनि चले गनेसु मनाइ ॥157॥
Ehi bidhi sochat bharat man dhavan pahunche ai
Gur anusasan shravan suni chale ganesu manai