UtshovDoha 157
157.1
Chaupai
जिअन मरन फलु दसरथ पावा। अंड अनेक अमल जसु छावा।।
जिअत राम बिधु बदनु निहारा। राम बिरह करि मरनु सँवारा।।
सोक बिकल सब रोवहिं रानी। रूपु सील बलु तेजु बखानी।।
करहिं बिलाप अनेक प्रकारा। परहीं भूमितल बारहिं बारा।।
बिलपहिं बिकल दास अरु दासी। घर घर रुदनु करहिं पुरबासी।।
अँथयउ आजु भानुकुल भानू। धरम अवधि गुन रूप निधानू।।
गारीं सकल कैकइहि देहीं। नयन बिहीन कीन्ह जग जेहीं।।
एहि बिधि बिलपत रैनि बिहानी। आए सकल महामुनि ग्यानी।।
Jian maran phalu dasarath pava, and anek amal jasu chhava
Jiat ram bidhu badanu nihara, ram birah kari maranu sanvara
Sok bikal sab rovahin rani, rupu sil balu teju bakhani
Karahin bilap anek prakara, parahin bhumital barahin bara
Bilapahin bikal das aru dasi, ghar ghar rudanu karahin purabasi
Anthayau aju bhanukul bhanu, dharam avadhi gun rup nidhanu
Garin sakal kaikaihi dehin, nayan bihin kinha jag jehin
Ehi bidhi bilapat raini bihani, ae sakal mahamuni gyani
157.2
Doha/soratha
तब बसिष्ठ मुनि समय सम कहि अनेक इतिहास।
सोक नेवारेउ सबहि कर निज बिग्यान प्रकास ॥156॥
Tab basishtha muni samay sam kahi anek itihas
Sok nevareu sabahi kar nij bigyan prakas