UtshovDoha 156
156.1
Chaupai
धरि धीरजु उठी बैठ भुआलू। कहु सुमंत्र कहँ राम कृपालू।।
कहाँ लखनु कहँ रामु सनेही। कहँ प्रिय पुत्रबधू बैदेही।।
बिलपत राउ बिकल बहु भाँती। भइ जुग सरिस सिराति न राती।।
तापस अंध साप सुधि आई। कौसल्यहि सब कथा सुनाई।।
भयउ बिकल बरनत इतिहासा। राम रहित धिग जीवन आसा।।
सो तनु राखि करब मैं काहा। जेंहि न प्रेम पनु मोर निबाहा।।
हा रघुनंदन प्रान पिरीते। तुम्ह बिनु जिअत बहुत दिन बीते।।
हा जानकी लखन हा रघुबर। हा पितु हित चित चातक जलधर।
Dhari dhiraju uthi baith bhualu, kahu sumantra kaham ram kripalu
Kahan lakhanu kaham ramu sanehi, kaham priy putrabadhu baidehi
Bilapat rau bikal bahu bhanti, bhai jug saris sirati na rati
Tapas andh sap sudhi ai, kausalyahi sab katha sunai
Bhayau bikal baranat itihasa, ram rahit dhig jivan asa
So tanu rakhi karab main kaha, jenhi na prem panu mor nibaha
Ha raghunandan pran pirite, tumha binu jiat bahut din bite
Ha janaki lakhan ha raghubar, ha pitu hit chit chatak jaladhar
156.2
Doha/soratha
राम राम कहि राम कहि राम राम कहि राम।
तनु परिहरि रघुबर बिरहँ राउ गयउ सुरधाम ॥155॥
Ram ram kahi ram kahi ram ram kahi ram
Tanu parihari raghubar biraham rau gayau suradham