UtshovDoha 138
138.1
Chaupai
रामहि केवल प्रेमु पिआरा। जानि लेउ जो जाननिहारा।।
राम सकल बनचर तब तोषे। कहि मृदु बचन प्रेम परिपोषे।।
बिदा किए सिर नाइ सिधाए। प्रभु गुन कहत सुनत घर आए।।
एहि बिधि सिय समेत दोउ भाई। बसहिं बिपिन सुर मुनि सुखदाई।।
जब ते आइ रहे रघुनायकु। तब तें भयउ बनु मंगलदायकु।।
फूलहिं फलहिं बिटप बिधि नाना।।मंजु बलित बर बेलि बिताना।।
सुरतरु सरिस सुभायँ सुहाए। मनहुँ बिबुध बन परिहरि आए।।
गंज मंजुतर मधुकर श्रेनी। त्रिबिध बयारि बहइ सुख देनी।।
Ramahi keval premu piara, jani leu jo jananihara
Ram sakal banachar tab toshe, kahi mridu bachan prem pariposhe
Bida kie sir nai sidhae, prabhu gun kahat sunat ghar ae
Ehi bidhi siy samet dou bhai, basahin bipin sur muni sukhadai
Jab te ai rahe raghunayaku, tab ten bhayau banu mangaladayaku
Phulahin phalahin bitap bidhi nana, manju balit bar beli bitana
Surataru saris subhayam suhae, manahun bibudh ban parihari ae
Ganj manjutar madhukar shreni, tribidh bayari bahai sukh deni
138.2
Doha/soratha
नीलकंठ कलकंठ सुक चातक चक्क चकोर।
भाँति भाँति बोलहिं बिहग श्रवन सुखद चित चोर ॥137॥
Nilakanth kalakanth suk chatak chakka chakor
Bhanti bhanti bolahin bihag shravan sukhad chit chor