UtshovDoha 139
139.1
Chaupai
केरि केहरि कपि कोल कुरंगा। बिगतबैर बिचरहिं सब संगा।।
फिरत अहेर राम छबि देखी। होहिं मुदित मृगबंद बिसेषी।।
बिबुध बिपिन जहँ लगि जग माहीं। देखि राम बनु सकल सिहाहीं।।
सुरसरि सरसइ दिनकर कन्या। मेकलसुता गोदावरि धन्या।।
सब सर सिंधु नदी नद नाना। मंदाकिनि कर करहिं बखाना।।
उदय अस्त गिरि अरु कैलासू। मंदर मेरु सकल सुरबासू।।
सैल हिमाचल आदिक जेते। चित्रकूट जसु गावहिं तेते।।
बिंधि मुदित मन सुखु न समाई। श्रम बिनु बिपुल बड़ाई पाई।।
Keri kehari kapi kol kuranga, bigatabair bicharahin sab sanga
Phirat aher ram chhabi dekhi, hohin mudit mrigaband biseshi
Bibudh bipin jaham lagi jag mahin, dekhi ram banu sakal sihahin
Surasari sarasai dinakar kanya, mekalasuta godavari dhanya
Sab sar sindhu nadi nad nana, mandakini kar karahin bakhana
Uday asta giri aru kailasu, mandar meru sakal surabasu
Sail himachal adik jete, chitrakut jasu gavahin tete
Bindhi mudit man sukhu na samai, shram binu bipul barai pai
139.2
Doha/soratha
चित्रकूट के बिहग मृग बेलि बिटप तृन जाति।
पुन्य पुंज सब धन्य अस कहहिं देव दिन राति ॥138॥
Chitrakut ke bihag mrig beli bitap trin jati
Punya punj sab dhanya as kahahin dev din rati