UtshovDoha 98
98.1
Chaupai
नारद कर मैं काह बिगारा। भवनु मोर जिन्ह बसत उजारा।।
अस उपदेसु उमहि जिन्ह दीन्हा। बौरे बरहि लगि तपु कीन्हा।।
साचेहुँ उन्ह के मोह न माया। उदासीन धनु धामु न जाया।।
पर घर घालक लाज न भीरा। बाझँ कि जान प्रसव कैं पीरा।।
जननिहि बिकल बिलोकि भवानी। बोली जुत बिबेक मृदु बानी।।
अस बिचारि सोचहि मति माता। सो न टरइ जो रचइ बिधाता।।
करम लिखा जौ बाउर नाहू। तौ कत दोसु लगाइअ काहू।।
तुम्ह सन मिटहिं कि बिधि के अंका। मातु ब्यर्थ जनि लेहु कलंका।।
Narad kar main kah bigara, bhavanu mor jinha basat ujara
As upadesu umahi jinha dinha, baure barahi lagi tapu kinha
Sachehun unha ke moh na maya, udasin dhanu dhamu na jaya
Par ghar ghalak laj na bhira, bajham ki jan prasav kain pira
Jananihi bikal biloki bhavani, boli jut bibek mridu bani
As bichari sochahi mati mata, so na tarai jo rachai bidhata
Karam likha jau baur nahu, tau kat dosu lagaia kahu
Tumha san mitahin ki bidhi ke anka, matu byartha jani lehu kalanka
98.2
Chhand
जनि लेहु मातु कलंकु करुना परिहरहु अवसर नहीं।
दुखु सुखु जो लिखा लिलार हमरें जाब जहँ पाउब तहीं।।
सुनि उमा बचन बिनीत कोमल सकल अबला सोचहीं।।
बहु भाँति बिधिहि लगाइ दूषन नयन बारि बिमोचहीं।।
Jani lehu matu kalanku karuna pariharahu avasar nahin
Dukhu sukhu jo likha lilar hamaren jab jaham paub tahin
Suni uma bachan binit komal sakal abala sochahin
Bahu bhanti bidhihi lagai dushan nayan bari bimochahin
98.3
Doha/soratha
तेहि अवसर नारद सहित अरु रिषि सप्त समेत।
समाचार सुनि तुहिनगिरि गवने तुरत निकेत ॥97॥
Tehi avasar narad sahit aru rishi sapta samet
Samachar suni tuhinagiri gavane turat niket