UtshovDoha 96
96.1
Chaupai
नगर निकट बरात सुनि आई। पुर खरभरु सोभा अधिकाई।।
करि बनाव सजि बाहन नाना। चले लेन सादर अगवाना।।
हियँ हरषे सुर सेन निहारी। हरिहि देखि अति भए सुखारी।।
सिव समाज जब देखन लागे। बिडरि चले बाहन सब भागे।।
धरि धीरजु तहँ रहे सयाने। बालक सब लै जीव पराने।।
गएँ भवन पूछहिं पितु माता। कहहिं बचन भय कंपित गाता।।
कहिअ काह कहि जाइ न बाता। जम कर धार किधौं बरिआता।।
बरु बौराह बसहँ असवारा। ब्याल कपाल बिभूषन छारा।।
Nagar nikat barat suni ai, pur kharabharu sobha adhikai
Kari banav saji bahan nana, chale len sadar agavana
Hiyam harashe sur sen nihari, harihi dekhi ati bhae sukhari
Siv samaj jab dekhan lage, bidari chale bahan sab bhage
Dhari dhiraju taham rahe sayane, balak sab lai jiv parane
Gaem bhavan puchhahin pitu mata, kahahin bachan bhay kampit gata
Kahia kah kahi jai na bata, jam kar dhar kidhaun bariata
Baru baurah basaham asavara, byal kapal bibhushan chhara
96.2
Chhand
तन छार ब्याल कपाल भूषन नगन जटिल भयंकरा।
सँग भूत प्रेत पिसाच जोगिनि बिकट मुख रजनीचरा।।
जो जिअत रहिहि बरात देखत पुन्य बड़ तेहि कर सही।
देखिहि सो उमा बिबाहु घर घर बात असि लरिकन्ह कही।।
Tan chhar byal kapal bhushan nagan jatil bhayankara
Sang bhut pret pisach jogini bikat mukh rajanichara
Jo jiat rahihi barat dekhat punya bar tehi kar sahi
Dekhihi so uma bibahu ghar ghar bat asi larikanha kahi
96.3
Doha/soratha
समुझि महेस समाज सब जननि जनक मुसुकाहिं।
बाल बुझाए बिबिध बिधि निडर होहु डरु नाहिं ॥95॥
Samujhi mahes samaj sab janani janak musukahin
Bal bujhae bibidh bidhi nidar hohu daru nahin