UtshovDoha 95
95.1
Chaupai
जस दूलहु तसि बनी बराता। कौतुक बिबिध होहिं मग जाता।।
इहाँ हिमाचल रचेउ बिताना। अति बिचित्र नहिं जाइ बखाना।।
सैल सकल जहँ लगि जग माहीं। लघु बिसाल नहिं बरनि सिराहीं।।
बन सागर सब नदीं तलावा। हिमगिरि सब कहुँ नेवत पठावा।।
कामरूप सुंदर तन धारी। सहित समाज सहित बर नारी।।
गए सकल तुहिनाचल गेहा। गावहिं मंगल सहित सनेहा।।
प्रथमहिं गिरि बहु गृह सँवराए। जथाजोगु तहँ तहँ सब छाए।।
पुर सोभा अवलोकि सुहाई। लागइ लघु बिरंचि निपुनाई।।
Jas dulahu tasi bani barata, kautuk bibidh hohin mag jata
Ihan himachal racheu bitana, ati bichitra nahin jai bakhana
Sail sakal jaham lagi jag mahin, laghu bisal nahin barani sirahin
Ban sagar sab nadin talava, himagiri sab kahun nevat pathava
Kamarup sundar tan dhari, sahit samaj sahit bar nari
Gae sakal tuhinachal geha, gavahin mangal sahit saneha
Prathamahin giri bahu grih sanvarae, jathajogu taham taham sab chhae
Pur sobha avaloki suhai, lagai laghu biranchi nipunai
95.2
Chhand
लघु लाग बिधि की निपुनता अवलोकि पुर सोभा सही।
बन बाग कूप तड़ाग सरिता सुभग सब सक को कही।।
मंगल बिपुल तोरन पताका केतु गृह गृह सोहहीं।।
बनिता पुरुष सुंदर चतुर छबि देखि मुनि मन मोहहीं।।
Laghu lag bidhi ki nipunata avaloki pur sobha sahi
Ban bag kup tarag sarita subhag sab sak ko kahi
Mangal bipul toran pataka ketu grih grih sohahin
Banita purush sundar chatur chhabi dekhi muni man mohahin
95.3
Doha/soratha
जगदंबा जहँ अवतरी सो पुरु बरनि कि जाइ।
रिद्धि सिद्धि संपत्ति सुख नित नूतन अधिकाइ ॥94॥
Jagadamba jaham avatari so puru barani ki jai
Riddhi siddhi sampatti sukh nit nutan adhikai