UtshovDoha 86
86.1
Chaupai
सब के हृदयँ मदन अभिलाषा। लता निहारि नवहिं तरु साखा।।
नदीं उमगि अंबुधि कहुँ धाई। संगम करहिं तलाव तलाई।।
जहँ असि दसा जड़न्ह कै बरनी। को कहि सकइ सचेतन करनी।।
पसु पच्छी नभ जल थलचारी। भए कामबस समय बिसारी।।
मदन अंध ब्याकुल सब लोका। निसि दिनु नहिं अवलोकहिं कोका।।
देव दनुज नर किंनर ब्याला। प्रेत पिसाच भूत बेताला।।
इन्ह कै दसा न कहेउँ बखानी। सदा काम के चेरे जानी।।
सिद्ध बिरक्त महामुनि जोगी। तेपि कामबस भए बियोगी।।
Sab ke hridayam madan abhilasha, lata nihari navahin taru sakha
Nadin umagi ambudhi kahun dhai, sangam karahin talav talai
Jaham asi dasa jaranha kai barani, ko kahi sakai sachetan karani
Pasu pachchhi nabh jal thalachari, bhae kamabas samay bisari
Madan andh byakul sab loka, nisi dinu nahin avalokahin koka
Dev danuj nar kinnar byala, pret pisach bhut betala
Inha kai dasa na kaheum bakhani, sada kam ke chere jani
Siddha birakta mahamuni jogi, tepi kamabas bhae biyogi
86.2
Chhand
भए कामबस जोगीस तापस पावँरन्हि की को कहै।
देखहिं चराचर नारिमय जे ब्रह्ममय देखत रहे।।
अबला बिलोकहिं पुरुषमय जगु पुरुष सब अबलामयं।
दुइ दंड भरि ब्रह्मांड भीतर कामकृत कौतुक अयं।।
Bhae kamabas jogis tapas pavanranhi ki ko kahai
Dekhahin charachar narimay je brahmamay dekhat rahe
Abala bilokahin purushamay jagu purush sab abalamayam
Dui dand bhari brahmand bhitar kamakrit kautuk ayam
86.3
Doha/soratha
धरी न काहूँ धिर सबके मन मनसिज हरे।
जे राखे रघुबीर ते उबरे तेहि काल महुँ ॥85॥
Dhari na kahun dhir sabake man manasij hare
Je rakhe raghubir te ubare tehi kal mahun