UtshovDoha 85
85.1
Chaupai
तदपि करब मैं काजु तुम्हारा। श्रुति कह परम धरम उपकारा।।
पर हित लागि तजइ जो देही। संतत संत प्रसंसहिं तेही।।
अस कहि चलेउ सबहि सिरु नाई। सुमन धनुष कर सहित सहाई।।
चलत मार अस हृदयँ बिचारा। सिव बिरोध ध्रुव मरनु हमारा।।
तब आपन प्रभाउ बिस्तारा। निज बस कीन्ह सकल संसारा।।
कोपेउ जबहि बारिचरकेतू। छन महुँ मिटे सकल श्रुति सेतू।।
ब्रह्मचर्ज ब्रत संजम नाना। धीरज धरम ग्यान बिग्याना।।
सदाचार जप जोग बिरागा। सभय बिबेक कटकु सब भागा।।
Tadapi karab main kaju tumhara, shruti kah param dharam upakara
Par hit lagi tajai jo dehi, santat sant prasansahin tehi
As kahi chaleu sabahi siru nai, suman dhanush kar sahit sahai
Chalat mar as hridayam bichara, siv birodh dhruv maranu hamara
Tab apan prabhau bistara, nij bas kinha sakal sansara
Kopeu jabahi baricharaketu, chhan mahun mite sakal shruti setu
Brahmacharja brat sanjam nana, dhiraj dharam gyan bigyana
Sadachar jap jog biraga, sabhay bibek kataku sab bhaga
85.2
Chhand
भागेउ बिबेक सहाय सहित सो सुभट संजुग महि मुरे।
सदग्रंथ पर्बत कंदरन्हि महुँ जाइ तेहि अवसर दुरे।।
होनिहार का करतार को रखवार जग खरभरु परा।
दुइ माथ केहि रतिनाथ जेहि कहुँ कोपि कर धनु सरु धरा।।
Bhageu bibek sahaya sahit so subhat sanjug mahi mure
Sadagranth parbat kandaranhi mahun jai tehi avasar dure
Honihar ka karatar ko rakhavar jag kharabharu para
Dui math kehi ratinath jehi kahun kopi kar dhanu saru dhara
85.3
Doha/soratha
जे सजीव जग अचर चर नारि पुरुष अस नाम।
ते निज निज मरजाद तजि भए सकल बस काम ॥84॥
Je sajiv jag achar char nari purush as nam
Te nij nij marajad taji bhae sakal bas kam