UtshovDoha 83
83.1
Chaupai
जाइ मुनिन्ह हिमवंतु पठाए। करि बिनती गिरजहिं गृह ल्याए।।
बहुरि सप्तरिषि सिव पहिं जाई। कथा उमा कै सकल सुनाई।।
भए मगन सिव सुनत सनेहा। हरषि सप्तरिषि गवने गेहा।।
मनु थिर करि तब संभु सुजाना। लगे करन रघुनायक ध्याना।।
तारकु असुर भयउ तेहि काला। भुज प्रताप बल तेज बिसाला।।
तेंहि सब लोक लोकपति जीते। भए देव सुख संपति रीते।।
अजर अमर सो जीति न जाई। हारे सुर करि बिबिध लराई।।
तब बिरंचि सन जाइ पुकारे। देखे बिधि सब देव दुखारे।।
Jai muninha himavantu pathae, kari binati girajahin grih lyae
Bahuri saptarishi siv pahin jai, katha uma kai sakal sunai
Bhae magan siv sunat saneha, harashi saptarishi gavane geha
Manu thir kari tab sambhu sujana, lage karan raghunayak dhyana
Taraku asur bhayau tehi kala, bhuj pratap bal tej bisala
Tenhi sab lok lokapati jite, bhae dev sukh sampati rite
Ajar amar so jiti na jai, hare sur kari bibidh larai
Tab biranchi san jai pukare, dekhe bidhi sab dev dukhare
83.2
Doha/soratha
सब सन कहा बुझाइ बिधि दनुज निधन तब होइ।
संभु सुक्र संभूत सुत एहि जीतइ रन सोइ ॥82॥
Sab san kaha bujhai bidhi danuj nidhan tab hoi
Sambhu sukra sambhut sut ehi jitai ran soi