UtshovDoha 82
82.1
Chaupai
जौं तुम्ह मिलतेहु प्रथम मुनीसा। सुनतिउँ सिख तुम्हारि धरि सीसा।।
अब मैं जन्मु संभु हित हारा। को गुन दूषन करै बिचारा।।
जौं तुम्हरे हठ हृदयँ बिसेषी। रहि न जाइ बिनु किएँ बरेषी।।
तौ कौतुकिअन्ह आलसु नाहीं। बर कन्या अनेक जग माहीं।।
जन्म कोटि लगि रगर हमारी। बरउँ संभु न त रहउँ कुआरी।।
तजउँ न नारद कर उपदेसू। आपु कहहि सत बार महेसू।।
मैं पा परउँ कहइ जगदंबा। तुम्ह गृह गवनहु भयउ बिलंबा।।
देखि प्रेमु बोले मुनि ग्यानी। जय जय जगदंबिके भवानी।।
Jaun tumha milatehu pratham munisa, sunatium sikh tumhari dhari sisa
Ab main janmu sambhu hit hara, ko gun dushan karai bichara
Jaun tumhare hath hridayam biseshi, rahi na jai binu kiem bareshi
Tau kautukianha alasu nahin, bar kanya anek jag mahin
Janma koti lagi ragar hamari, baraum sambhu na ta rahaum kuari
Tajaum na narad kar upadesu, apu kahahi sat bar mahesu
Main pa paraum kahai jagadamba, tumha grih gavanahu bhayau bilamba
Dekhi premu bole muni gyani, jay jay jagadambike bhavani
82.2
Doha/soratha
तुम्ह माया भगवान सिव सकल जगत पितु मातु।
नाइ चरन सिर मुनि चले पुनि पुनि हरषत गातु ॥81॥
Tumha maya bhagavan siv sakal jagat pitu matu
Nai charan sir muni chale puni puni harashat gatu