UtshovDoha 81
81.1
Chaupai
अजहूँ मानहु कहा हमारा। हम तुम्ह कहुँ बरु नीक बिचारा।।
अति सुंदर सुचि सुखद सुसीला। गावहिं बेद जासु जस लीला।।
दूषन रहित सकल गुन रासी। श्रीपति पुर बैकुंठ निवासी।।
अस बरु तुम्हहि मिलाउब आनी। सुनत बिहसि कह बचन भवानी।।
सत्य कहेहु गिरिभव तनु एहा। हठ न छूट छूटै बरु देहा।।
कनकउ पुनि पषान तें होई। जारेहुँ सहजु न परिहर सोई।।
नारद बचन न मैं परिहरऊँ। बसउ भवनु उजरउ नहिं डरऊँ।।
गुर कें बचन प्रतीति न जेही। सपनेहुँ सुगम न सुख सिधि तेही।।
Ajahun manahu kaha hamara, ham tumha kahun baru nik bichara
Ati sundar suchi sukhad susila, gavahin bed jasu jas lila
Dushan rahit sakal gun rasi, shripati pur baikunth nivasi
As baru tumhahi milaub ani, sunat bihasi kah bachan bhavani
Satya kahehu giribhav tanu eha, hath na chhut chhutai baru deha
Kanakau puni pashan ten hoi, jarehun sahaju na parihar soi
Narad bachan na main pariharaum, basau bhavanu ujarau nahin daraum
Gur ken bachan pratiti na jehi, sapanehun sugam na sukh sidhi tehi
81.2
Doha/soratha
महादेव अवगुन भवन बिष्नु सकल गुन धाम।
जेहि कर मनु रम जाहि सन तेहि तेही सन काम ॥80॥
Mahadev avagun bhavan bishnu sakal gun dham
Jehi kar manu ram jahi san tehi tehi san kam