UtshovDoha 77
77.1
Chaupai
कतहुँ मुनिन्ह उपदेसहिं ग्याना। कतहुँ राम गुन करहिं बखाना।।
जदपि अकाम तदपि भगवाना। भगत बिरह दुख दुखित सुजाना।।
एहि बिधि गयउ कालु बहु बीती। नित नै होइ राम पद प्रीती।।
नैमु प्रेमु संकर कर देखा। अबिचल हृदयँ भगति कै रेखा।।
प्रगटै रामु कृतग्य कृपाला। रूप सील निधि तेज बिसाला।।
बहु प्रकार संकरहि सराहा। तुम्ह बिनु अस ब्रतु को निरबाहा।।
बहुबिधि राम सिवहि समुझावा। पारबती कर जन्मु सुनावा।।
अति पुनीत गिरिजा कै करनी। बिस्तर सहित कृपानिधि बरनी।।
Katahun muninha upadesahin gyana, katahun ram gun karahin bakhana
Jadapi akam tadapi bhagavana, bhagat birah dukh dukhit sujana
Ehi bidhi gayau kalu bahu biti, nit nai hoi ram pad priti
Naimu premu sankar kar dekha, abichal hridayam bhagati kai rekha
Pragatai ramu kritagya kripala, rup sil nidhi tej bisala
Bahu prakar sankarahi saraha, tumha binu as bratu ko nirabaha
Bahubidhi ram sivahi samujhava, parabati kar janmu sunava
Ati punit girija kai karani, bistar sahit kripanidhi barani
77.2
Doha/soratha
अब बिनती मम सुनेहु सिव जौं मो पर निज नेहु।
जाइ बिबाहहु सैलजहि यह मोहि मागें देहु ॥76॥
Ab binati mam sunehu siv jaun mo par nij nehu
Jai bibahahu sailajahi yah mohi magen dehu