UtshovDoha 78
78.1
Chaupai
कह सिव जदपि उचित अस नाहीं। नाथ बचन पुनि मेटि न जाहीं।।
सिर धरि आयसु करिअ तुम्हारा। परम धरमु यह नाथ हमारा।।
मातु पिता गुर प्रभु कै बानी। बिनहिं बिचार करिअ सुभ जानी।।
तुम्ह सब भाँति परम हितकारी। अग्या सिर पर नाथ तुम्हारी।।
प्रभु तोषेउ सुनि संकर बचना। भक्ति बिबेक धर्म जुत रचना।।
कह प्रभु हर तुम्हार पन रहेऊ। अब उर राखेहु जो हम कहेऊ।।
अंतरधान भए अस भाषी। संकर सोइ मूरति उर राखी।।
तबहिं सप्तरिषि सिव पहिं आए। बोले प्रभु अति बचन सुहाए।।
Kah siv jadapi uchit as nahin, nath bachan puni meti na jahin
Sir dhari ayasu karia tumhara, param dharamu yah nath hamara
Matu pita gur prabhu kai bani, binahin bichar karia subh jani
Tumha sab bhanti param hitakari, agya sir par nath tumhari
Prabhu tosheu suni sankar bachana, bhakti bibek dharma jut rachana
Kah prabhu har tumhar pan raheu, ab ur rakhehu jo ham kaheu
Antaradhan bhae as bhashi, sankar soi murati ur rakhi
Tabahin saptarishi siv pahin ae, bole prabhu ati bachan suhae
78.2
Doha/soratha
पारबती पहिं जाइ तुम्ह प्रेम परिच्छा लेहु।
गिरिहि प्रेरि पठएहु भवन दूरि करेहु संदेहु ॥77॥
Parabati pahin jai tumha prem parichchha lehu
Girihi preri pathaehu bhavan duri karehu sandehu