UtshovDoha 76
76.1
Chaupai
अस तपु काहुँ न कीन्ह भवानी। भउ अनेक धीर मुनि ग्यानी।।
अब उर धरहु ब्रह्म बर बानी। सत्य सदा संतत सुचि जानी।।
आवै पिता बोलावन जबहीं। हठ परिहरि घर जाएहु तबहीं।।
मिलहिं तुम्हहि जब सप्त रिषीसा। जानेहु तब प्रमान बागीसा।।
सुनत गिरा बिधि गगन बखानी। पुलक गात गिरिजा हरषानी।।
उमा चरित सुंदर मैं गावा। सुनहु संभु कर चरित सुहावा।।
जब तें सती जाइ तनु त्यागा। तब सें सिव मन भयउ बिरागा।।
जपहिं सदा रघुनायक नामा। जहँ तहँ सुनहिं राम गुन ग्रामा।।
As tapu kahun na kinha bhavani, bhau anek dhir muni gyani
Ab ur dharahu brahma bar bani, satya sada santat suchi jani
Avai pita bolavan jabahin, hath parihari ghar jaehu tabahin
Milahin tumhahi jab sapta rishisa, janehu tab praman bagisa
Sunat gira bidhi gagan bakhani, pulak gat girija harashani
Uma charit sundar main gava, sunahu sambhu kar charit suhava
Jab ten sati jai tanu tyaga, tab sen siv man bhayau biraga
Japahin sada raghunayak nama, jaham taham sunahin ram gun grama
76.2
Doha/soratha
चिदानन्द सुखधाम सिव बिगत मोह मद काम।
बिचरहिं महि धरि हृदयँ हरि सकल लोक अभिराम ॥75॥
Chidananda sukhadham siv bigat moh mad kam
Bicharahin mahi dhari hridayam hari sakal lok abhiram