UtshovDoha 75
75.1
Chaupai
उर धरि उमा प्रानपति चरना। जाइ बिपिन लागीं तपु करना।।
अति सुकुमार न तनु तप जोगू। पति पद सुमिरि तजेउ सबु भोगू।।
नित नव चरन उपज अनुरागा। बिसरी देह तपहिं मनु लागा।।
संबत सहस मूल फल खाए। सागु खाइ सत बरष गवाँए।।
कछु दिन भोजनु बारि बतासा। किए कठिन कछु दिन उपबासा।।
बेल पाती महि परइ सुखाई। तीनि सहस संबत सोई खाई।।
पुनि परिहरे सुखानेउ परना। उमहि नाम तब भयउ अपरना।।
देखि उमहि तप खीन सरीरा। ब्रह्मगिरा भै गगन गभीरा।।
Ur dhari uma pranapati charana, jai bipin lagin tapu karana
Ati sukumar na tanu tap jogu, pati pad sumiri tajeu sabu bhogu
Nit nav charan upaj anuraga, bisari deh tapahin manu laga
Sambat sahas mul phal khae, sagu khai sat barash gavane
Kachhu din bhojanu bari batasa, kie kathin kachhu din upabasa
Bel pati mahi parai sukhai, tini sahas sambat soi khai
Puni parihare sukhaneu parana, umahi nam tab bhayau aparana
Dekhi umahi tap khin sarira, brahmagira bhai gagan gabhira
75.2
Doha/soratha
भयउ मनोरथ सुफल तव सुनु गिरिजाकुमारि।
परिहरु दुसह कलेस सब अब मिलिहहिं त्रिपुरारि ॥74॥
Bhayau manorath suphal tav sunu girijakumari
Pariharu dusah kales sab ab milihahin tripurari