UtshovDoha 7
7.1
Chaupai
खल अघ अगुन साधू गुन गाहा। उभय अपार उदधि अवगाहा।।
तेहि तें कछु गुन दोष बखाने। संग्रह त्याग न बिनु पहिचाने।।
भलेउ पोच सब बिधि उपजाए। गनि गुन दोष बेद बिलगाए।।
कहहिं बेद इतिहास पुराना। बिधि प्रपंचु गुन अवगुन साना।।
दुख सुख पाप पुन्य दिन राती। साधु असाधु सुजाति कुजाती।।
दानव देव ऊँच अरु नीचू। अमिअ सुजीवनु माहुरु मीचू।।
माया ब्रह्म जीव जगदीसा। लच्छि अलच्छि रंक अवनीसा।।
कासी मग सुरसरि क्रमनासा। मरु मारव महिदेव गवासा।।
सरग नरक अनुराग बिरागा। निगमागम गुन दोष बिभागा।।
Khal agh agun sadhu gun gaha, ubhay apar udadhi avagaha
Tehi ten kachhu gun dosh bakhane, sangrah tyag na binu pahichane
Bhaleu poch sab bidhi upajae, gani gun dosh bed bilagae
Kahahin bed itihas purana, bidhi prapanchu gun avagun sana
Dukh sukh pap punya din rati, sadhu asadhu sujati kujati
Danav dev unch aru nichu, amia sujivanu mahuru michu
Maya brahma jiv jagadisa, lachchhi alachchhi rank avanisa
Kasi mag surasari kramanasa, maru marav mahidev gavasa
Sarag narak anurag biraga, nigamagam gun dosh bibhaga
7.2
Doha/soratha
जड़ चेतन गुन दोषमय बिस्व कीन्ह करतार।
संत हंस गुन गहहिं पय परिहरि बारि बिकार ॥6॥
Jar chetan gun doshamay bisva kinha karatar
Sant hans gun gahahin pay parihari bari bikar