UtshovDoha 6
6.1
Chaupai
मैं अपनी दिसि कीन्ह निहोरा। तिन्ह निज ओर न लाउब भोरा।।
बायस पलिअहिं अति अनुरागा। होहिं निरामिष कबहुँ कि कागा।।
बंदउँ संत असज्जन चरना। दुखप्रद उभय बीच कछु बरना।।
बिछुरत एक प्रान हरि लेहीं। मिलत एक दुख दारुन देहीं।।
उपजहिं एक संग जग माहीं। जलज जोंक जिमि गुन बिलगाहीं।।
सुधा सुरा सम साधू असाधू। जनक एक जग जलधि अगाधू।।
भल अनभल निज निज करतूती। लहत सुजस अपलोक बिभूती।।
सुधा सुधाकर सुरसरि साधू। गरल अनल कलिमल सरि ब्याधू।।
गुन अवगुन जानत सब कोई। जो जेहि भाव नीक तेहि सोई।।
Main apani disi kinha nihora, tinha nij or na laub bhora
Bayas paliahin ati anuraga, hohin niramish kabahun ki kaga
Bandaum sant asajjan charana, dukhaprad ubhay bich kachhu barana
Bichhurat ek pran hari lehin, milat ek dukh darun dehin
Upajahin ek sang jag mahin, jalaj jonk jimi gun bilagahin
Sudha sura sam sadhu asadhu, janak ek jag jaladhi agadhu
Bhal anabhal nij nij karatuti, lahat sujas apalok bibhuti
Sudha sudhakar surasari sadhu, garal anal kalimal sari byadhu
Gun avagun janat sab koi, jo jehi bhav nik tehi soi
6.2
Doha/soratha
भलो भलाइहि पै लहइ लहइ निचाइहि नीचु।
सुधा सराहिअ अमरताँ गरल सराहिअ मीचु ॥5॥
Bhalo bhalaihi pai lahai lahai nichaihi nichu
Sudha sarahia amaratan garal sarahia michu