UtshovDoha 65
65.1
Chaupai
सुनहु सभासद सकल मुनिंदा। कही सुनी जिन्ह संकर निंदा।।
सो फलु तुरत लहब सब काहूँ। भली भाँति पछिताब पिताहूँ।।
संत संभु श्रीपति अपबादा। सुनिअ जहाँ तहँ असि मरजादा।।
काटिअ तासु जीभ जो बसाई। श्रवन मूदि न त चलिअ पराई।।
जगदातमा महेसु पुरारी। जगत जनक सब के हितकारी।।
पिता मंदमति निंदत तेही। दच्छ सुक्र संभव यह देही।।
तजिहउँ तुरत देह तेहि हेतू। उर धरि चंद्रमौलि बृषकेतू।।
अस कहि जोग अगिनि तनु जारा। भयउ सकल मख हाहाकारा।।
Sunahu sabhasad sakal muninda, kahi suni jinha sankar ninda
So phalu turat lahab sab kahun, bhali bhanti pachhitab pitahun
Sant sambhu shripati apabada, sunia jahan taham asi marajada
Katia tasu jibh jo basai, shravan mudi na ta chalia parai
Jagadatama mahesu purari, jagat janak sab ke hitakari
Pita mandamati nindat tehi, dachchha sukra sambhav yah dehi
Tajihaum turat deh tehi hetu, ur dhari chandramauli brishaketu
As kahi jog agini tanu jara, bhayau sakal makh hahakara
65.2
Doha/soratha
सती मरनु सुनि संभु गन लगे करन मख खीस।
जग्य बिधंस बिलोकि भृगु रच्छा कीन्हि मुनीस ॥64॥
Sati maranu suni sambhu gan lage karan makh khis
Jagya bidhans biloki bhrigu rachchha kinhi munis