UtshovDoha 66
66.1
Chaupai
समाचार सब संकर पाए। बीरभद्रु करि कोप पठाए।।
जग्य बिधंस जाइ तिन्ह कीन्हा। सकल सुरन्ह बिधिवत फलु दीन्हा।।
भे जगबिदित दच्छ गति सोई। जसि कछु संभु बिमुख कै होई।।
यह इतिहास सकल जग जानी। ताते मैं संछेप बखानी।।
सतीं मरत हरि सन बरु मागा। जनम जनम सिव पद अनुरागा।।
तेहि कारन हिमगिरि गृह जाई। जनमीं पारबती तनु पाई।।
जब तें उमा सैल गृह जाईं। सकल सिद्धि संपति तहँ छाई।।
जहँ तहँ मुनिन्ह सुआश्रम कीन्हे। उचित बास हिम भूधर दीन्हे।।
Samachar sab sankar pae, birabhadru kari kop pathae
Jagya bidhans jai tinha kinha, sakal suranha bidhivat phalu dinha
Bhe jagabidit dachchha gati soi, jasi kachhu sambhu bimukh kai hoi
Yah itihas sakal jag jani, tate main sanchhep bakhani
Satin marat hari san baru maga, janam janam siv pad anuraga
Tehi karan himagiri grih jai, janamin parabati tanu pai
Jab ten uma sail grih jaim, sakal siddhi sampati taham chhai
Jaham taham muninha suashram kinhe, uchit bas him bhudhar dinhe
66.2
Doha/soratha
सदा सुमन फल सहित सब द्रुम नव नाना जाति।
प्रगटीं सुंदर सैल पर मनि आकर बहु भाँति ॥65॥
Sada suman phal sahit sab drum nav nana jati
Pragatin sundar sail par mani akar bahu bhanti