UtshovDoha 64
64.1
Chaupai
पिता भवन जब गई भवानी। दच्छ त्रास काहुँ न सनमानी।।
सादर भलेहिं मिली एक माता। भगिनीं मिलीं बहुत मुसुकाता।।
दच्छ न कछु पूछी कुसलाता। सतिहि बिलोकि जरे सब गाता।।
सतीं जाइ देखेउ तब जागा। कतहुँ न दीख संभु कर भागा।।
तब चित चढ़ेउ जो संकर कहेऊ। प्रभु अपमानु समुझि उर दहेऊ।।
पाछिल दुखु न हृदयँ अस ब्यापा। जस यह भयउ महा परितापा।।
जद्यपि जग दारुन दुख नाना। सब तें कठिन जाति अवमाना।।
समुझि सो सतिहि भयउ अति क्रोधा। बहु बिधि जननीं कीन्ह प्रबोधा।।
Pita bhavan jab gai bhavani, dachchha tras kahun na sanamani
Sadar bhalehin mili ek mata, bhaginin milin bahut musukata
Dachchha na kachhu puchhi kusalata, satihi biloki jare sab gata
Satin jai dekheu tab jaga, katahun na dikh sambhu kar bhaga
Tab chit charheu jo sankar kaheu, prabhu apamanu samujhi ur daheu
Pachhil dukhu na hridayam as byapa, jas yah bhayau maha paritapa
Jadyapi jag darun dukh nana, sab ten kathin jati avamana
Samujhi so satihi bhayau ati krodha, bahu bidhi jananin kinha prabodha
64.2
Doha/soratha
सिव अपमानु न जाइ सहि हृदयँ न होइ प्रबोध।
सकल सभहि हठि हटकि तब बोलीं बचन सक्रोध ॥63॥
Siv apamanu na jai sahi hridayam na hoi prabodh
Sakal sabhahi hathi hataki tab bolin bachan sakrodh