UtshovDoha 56
56.1
Chaupai
देखे जहँ तहँ रघुपति जेते। सक्तिन्ह सहित सकल सुर तेते।।
जीव चराचर जो संसारा। देखे सकल अनेक प्रकारा।।
पूजहिं प्रभुहि देव बहु बेषा। राम रूप दूसर नहिं देखा।।
अवलोके रघुपति बहुतेरे। सीता सहित न बेष घनेरे।।
सोइ रघुबर सोइ लछिमनु सीता। देखि सती अति भई सभीता।।
हृदय कंप तन सुधि कछु नाहीं। नयन मूदि बैठीं मग माहीं।।
बहुरि बिलोकेउ नयन उघारी। कछु न दीख तहँ दच्छकुमारी।।
पुनि पुनि नाइ राम पद सीसा। चलीं तहाँ जहँ रहे गिरीसा।।
Dekhe jaham taham raghupati jete, saktinha sahit sakal sur tete
Jiv charachar jo sansara, dekhe sakal anek prakara
Pujahin prabhuhi dev bahu besha, ram rup dusar nahin dekha
Avaloke raghupati bahutere, sita sahit na besh ghanere
Soi raghubar soi lachhimanu sita, dekhi sati ati bhai sabhita
Hriday kamp tan sudhi kachhu nahin, nayan mudi baithin mag mahin
Bahuri bilokeu nayan ughari, kachhu na dikh taham dachchhakumari
Puni puni nai ram pad sisa, chalin tahan jaham rahe girisa
56.2
Doha/soratha
गई समीप महेस तब हँसि पूछी कुसलात।
लीन्ही परीछा कवन बिधि कहहु सत्य सब बात ॥55॥
Gai samip mahes tab hansi puchhi kusalat
Linhi parichha kavan bidhi kahahu satya sab bat