UtshovDoha 55
55.1
Chaupai
मैं संकर कर कहा न माना। निज अग्यानु राम पर आना।।
जाइ उतरु अब देहउँ काहा। उर उपजा अति दारुन दाहा।।
जाना राम सतीं दुखु पावा। निज प्रभाउ कछु प्रगटि जनावा।।
सतीं दीख कौतुकु मग जाता। आगें रामु सहित श्री भ्राता।।
फिरि चितवा पाछें प्रभु देखा। सहित बंधु सिय सुंदर वेषा।।
जहँ चितवहिं तहँ प्रभु आसीना। सेवहिं सिद्ध मुनीस प्रबीना।।
देखे सिव बिधि बिष्नु अनेका। अमित प्रभाउ एक तें एका।।
बंदत चरन करत प्रभु सेवा। बिबिध बेष देखे सब देवा।।
Main sankar kar kaha na mana, nij agyanu ram par ana
Jai utaru ab dehaum kaha, ur upaja ati darun daha
Jana ram satin dukhu pava, nij prabhau kachhu pragati janava
Satin dikh kautuku mag jata, agen ramu sahit shri bhrata
Phiri chitava pachhen prabhu dekha, sahit bandhu siy sundar vesha
Jaham chitavahin taham prabhu asina, sevahin siddha munis prabina
Dekhe siv bidhi bishnu aneka, amit prabhau ek ten eka
Bandat charan karat prabhu seva, bibidh besh dekhe sab deva
55.2
Doha/soratha
सती बिधात्री इंदिरा देखीं अमित अनूप।
जेहिं जेहिं बेष अजादि सुर तेहि तेहि तन अनुरूप ॥54॥
Sati bidhatri indira dekhin amit anup
Jehin jehin besh ajadi sur tehi tehi tan anurup