UtshovDoha 48
48.1
Chaupai
जैसे मिटै मोर भ्रम भारी। कहहु सो कथा नाथ बिस्तारी।।
जागबलिक बोले मुसुकाई। तुम्हहि बिदित रघुपति प्रभुताई।।
राममगत तुम्ह मन क्रम बानी। चतुराई तुम्हारी मैं जानी।।
चाहहु सुनै राम गुन गूढ़ा। कीन्हिहु प्रस्न मनहुँ अति मूढ़ा।।
तात सुनहु सादर मनु लाई। कहउँ राम कै कथा सुहाई।।
महामोहु महिषेसु बिसाला। रामकथा कालिका कराला।।
रामकथा ससि किरन समाना। संत चकोर करहिं जेहि पाना।।
ऐसेइ संसय कीन्ह भवानी। महादेव तब कहा बखानी।।
Jaise mitai mor bhram bhari, kahahu so katha nath bistari
Jagabalik bole musukai, tumhahi bidit raghupati prabhutai
Ramamagat tumha man kram bani, chaturai tumhari main jani
Chahahu sunai ram gun gurha, kinhihu prasna manahun ati murha
Tat sunahu sadar manu lai, kahaum ram kai katha suhai
Mahamohu mahishesu bisala, ramakatha kalika karala
Ramakatha sasi kiran samana, sant chakor karahin jehi pana
Aisei sansay kinha bhavani, mahadev tab kaha bakhani
48.2
Doha/soratha
कहउँ सो मति अनुहारि अब उमा संभु संबाद।
भयउ समय जेहि हेतु जेहि सुनु मुनि मिटिहि बिषाद ॥47॥
Kahaum so mati anuhari ab uma sambhu sambad
Bhayau samay jehi hetu jehi sunu muni mitihi bishad